لو معاك مبلغ وعايز تستفيد منه، البنوك في مصر بتقدم خلال 2026 حسابات توفير بعوائد مختلفة، وفي حسابات بتوصل فائدتها السنوية لـ18%، لكن فيه تفاصيل لازم تعرفها قبل ما تختار.
البنك الأهلي المصري بيقدم حساب توفير تقليدي بعائد بيختلف حسب الرصيد ودورية الصرف، وكمان حساب «الأهلي إكسترا توفير» بعائد ممكن يوصل لـ16% لشرائح معينة.
أما بنك مصر، فعنده حساب توفير تقليدي بعائد شهري بيصل لـ10.5%، وحساب «سوبر كاش توفير» اللي عائده بيزيد مع زيادة المبلغ، وممكن يوصل لـ17.5% للأرصدة الكبيرة جدًا.
وفي بنك القاهرة، عائد حساب «ميجا توفير» ممكن يوصل لـ17.25%، بينما بنك نكست بيقدم حساب «توفير بلس» بعائد يصل لـ18% للأرصدة اللي بتتجاوز 20 مليون جنيه.
وبنك قناة السويس بيطرح حساب «توفير ثروة» بعائد يصل لـ17%. يعني لازم تقارن الحد الأدنى وشريحة العائد، ومواعيد الصرف، واتأكد من الأسعار المعلنة قبل فتح الحساب.
التعليقات