الفراولة المصرية دخلت فرنسا بقوة.. ووصلت للصدارة.
مصر أصبحت المورد الأول للفراولة المجمدة للسوق الفرنسي، بعد ما سجلت صادراتها حوالي 20 ألف طن خلال 2025، بحسب المجلس التصديري للصناعات الغذائية.
والقفزة دي مش بسيطة.. صادرات الفراولة المجمدة المصرية لفرنسا كانت حوالي 9 آلاف طن في 2021، يعني الكميات أكتر من اتضاعفت خلال 4 سنين.
والسوق الفرنسي نفسه بيستورد سنويًا ما بين 65 و68 ألف طن من الفراولة المجمدة، وده بيفتح مساحة كبيرة قدام المنتج المصري لمواصلة النمو.
لكن مصر مش لوحدها في المنافسة.. فيه دول زي المغرب وبولندا وإسبانيا بتحاول تحافظ على حصتها في السوق الفرنسي، وعلشان كده الحفاظ على الجودة والالتزام بالاشتراطات الأوروبية أصبح عامل أساسي لاستمرار التوسع.
والأرقام التجارية الرسمية بتأكد قوة الحضور المصري، إذ سجلت صادرات الفراولة المجمدة المصرية لفرنسا أكثر من 10.6 ألف طن وفق بيانات التجارة الدولية لعام 2025، مع اختلاف الأرقام بحسب طريقة احتساب البيانات التجارية.
يعني الفراولة المصرية مش بس بتوصل فرنسا، دي بتنافس بقوة على صدارة سوقها.
التعليقات