8 مليارات دولار.. مصر بتقترب من المحطة الأخيرة في برنامجها مع صندوق النقد الدولي، لكن هل هتحصل على باقي التمويلات قبل نهاية 2026؟ وإيه المطلوب علشان البرنامج يخلص؟
مصر بدأت برنامجها الحالي مع صندوق النقد في 2022، قبل ما يتم توسيعه في مارس 2024 إلى 8 مليارات دولار، لمواجهة الضغوط الاقتصادية ونقص العملة الأجنبية.
والبرنامج وصل دلوقتي لمراجعته الأخيرة، بعد ما وافق الصندوق في يوليو الماضي على المراجعة السابعة، وده أتاح لمصر تمويلات جديدة بقيمة حوالي مليار و800 مليون دولار، منها مليار ونصف دولار ضمن برنامج القرض الأساسي، وحوالي 272 مليون دولار ضمن برنامج الاستدامة والمرونة.
وبكده، إجمالي التمويلات اللي أتاحها الصندوق لمصر ضمن البرنامجين وصل لحوالي 7.3 مليار دولار.
لكن لسه فيه مراجعة نهائية، مرتبطة باستكمال الإصلاحات المتفق عليها، وفي مقدمتها تقليل دور الدولة في الاقتصاد، وزيادة مشاركة القطاع الخاص، وتحسين الحوكمة والشفافية.
التعليقات