عاجل: عايز تدفع فاتورة الكهرباء من الموبايل؟.. اعرف الخطوات وطرق السداد

لو زهقت من الطوابير وعايز تدفع فاتورة الكهرباء من الموبايل، الموضوع بقى أسهل من زمان.

تقدر الأول تستعلم عن قيمة الفاتورة من خلال الموقع الرسمي لوزارة الكهرباء، وتختار الخدمات الإلكترونية، وبعدها خدمة الاستعلام عن الفواتير.

هتحدد المحافظة التابع ليها العداد، وتدخل رقم العداد المكون من 10 أرقام، وتكتب اسم المشترك زي ما هو مسجل، وبعدها تضغط استعلام علشان تعرف قيمة الفاتورة.

وبعد ما تعرف المبلغ، تقدر تختار طريقة الدفع المناسبة ليك.

ومن طرق السداد المتاحة: المحافظ الإلكترونية التابعة للبنوك، وكمان محافظ شركات الاتصالات زي فودافون كاش، وإي آند كاش، وأورنج موني، وWE Pay.

وكمان تقدر تدفع من خلال فوري، ومصاري، وBee، وأمان، ومكاتب البريد، وماكينات الـATM، بالإضافة لتطبيقات الدفع الإلكتروني زي MyFawry.

من الآخر، تقدر تستعلم وتدفع فاتورة الكهرباء من موبايلك من غير ما تروح شركة الكهرباء.