مصر تدخل قائمة أقوى 7 مناطق حرة في العالم.. وتنافس مناطق عملاقة في دبي والصين.
المنطقة الاقتصادية لقناة السويس حققت المركز السابع عالميًا في تصنيف أفضل المناطق الحرة لعام 2026، والأولى على مستوى أفريقيا، وسط منافسة بين 79 منطقة حرة واقتصادية من مختلف أنحاء العالم.
طب إيه اللي وصل مصر للمركز ده؟
الموضوع مش مجرد موقع على الخريطة.. المنطقة بتجمع بين الموانئ والمناطق الصناعية، وده بيسهّل نقل البضائع وبيقلل تكاليف اللوجستيات، خصوصًا إن قناة السويس بتربط بين البحر الأحمر والبحر المتوسط، وبتفتح طريق مهم للأسواق العالمية.
كمان البنية التحتية، والحوافز الاستثمارية، وتسهيل إجراءات الاستثمار، وجذب مشروعات صناعية ولوجستية جديدة، كلها عوامل دخلت في تقييم المناطق الحرة.
والأهم إن التصنيف بيقيس مؤشرات فعلية، منها نمو أعداد الشركات والعاملين والمساحات المستغلة، إلى جانب الاستثمارات الجديدة.
لكن السؤال الأهم: هل المركز المتقدم ده هيتحول لاستثمارات ومصانع أكتر وفرص عمل جديدة؟ ده اللي هتكشفه الفترة الجاية، لأن التحدي الحقيقي مش الوصول للقائمة.. التحدي هو الاستمرار في جذب الاستثمارات وتحويلها لمكاسب ملموسة للاقتصاد المصري.
التعليقات