سفن عملاقة وحركة تجارة بملايين الحاويات.. ميناء الدخيلة في الإسكندرية بيستعد لمرحلة جديدة.
مصر بتجهز لتشغيل محطة «تحيا مصر 2» للحاويات، بطاقة استيعابية تصل لـ1.5 مليون حاوية مكافئة سنويًا، في مشروع يستهدف تعزيز مكانة الموانئ المصرية على خريطة التجارة العالمية.
المحطة بتتقام على مساحة حوالي 840 ألف متر مربع، برصيف طوله 1200 متر وعمق 18 مترًا، ومصممة لاستقبال سفن عملاقة يصل طولها لـ400 متر، وتقدر تحمل لحد 24 ألف حاوية
والأهم إن الجزء الأكبر من نشاط المحطة هيكون مخصص لحاويات الترانزيت، يعني تعزيز حركة البضائع اللي بتعدي عبر الموانئ المصرية في طريقها لأسواق تانية.
والمشروع كمان متوقع يوفر أكتر من ألفي فرصة عمل مباشرة وغير مباشرة، ويدعم خطة ربط موانئ البحر الأحمر بالبحر المتوسط من خلال محور السخنة – الإسكندرية اللوجستي.
ومع اكتمال التجهيزات وبدء التشغيل، ميناء الدخيلة هيكون قدامه فرصة أكبر لجذب خطوط الملاحة العالمية ومنافسة موانئ المنطقة على تجارة الترانزيت.
فهل مصر تقدر تتحول لمركز رئيسي لتداول الحاويات والتجارة العالمية في المنطقة؟
التعليقات