عاجل: فنادق ومراسي ومولات.. إيه اللي بيحصل في الساحل الشمالي؟

الساحل الشمالي مش بس مصيف بنروحه في الصيف ونرجع، المنطقة داخلة على تغيير كبير ممكن يخليها وجهة سياحية واستثمارية طول السنة.

الاستثمارات الجديدة بتكبر بشكل واضح، من فنادق ومراسي لليخوت ومطاعم ومراكز تجارية، لحد المدارس والخدمات الصحية، وده بيحول الساحل تدريجيًا لمجتمعات متكاملة.

ومن أبرز النماذج مشروع «مراسي»، اللي بيضم واجهة بحرية بطول 6.5 كيلومتر، وحوالي 8 آلاف وحدة سكنية و12 فندقًا فاخرًا، بالإضافة لمرسى يخوت وممشى للمطاعم والمتاجر.

وكمان مدينة العلمين الجديدة وتطوير الطرق والمطارات بيدعموا فكرة أن الساحل يبقى شغال طول السنة، مش موسم صيف بس.

الميزة كمان أن السائح يقدر يجمع بين البحر والسياحة الثقافية، فيقضي كام يوم على الساحل، وبعدها يزور القاهرة والأهرامات ويرجع تاني.

يعني من الآخر، الساحل الشمالي بيتحول من مصيف موسمي لمركز سياحي واستثماري متكامل.